Gipuzkoako Foru Aldundia • Donostia•
Tolosa•
Zarautz
Azken urteotan Gipuzkoan ekimen interesgarriak
gauzatu dira foru, eskualde eta udal
mailan bizikleta sustatzeko, eta ekimen
horien artean dago bizikleta bide
berriak egitea.
GIPUZKOAKO FORU ALDUNDIA
Ingurumen Zuzendaritza bizikletaren
erabilera bultzatzen ari da 2002az
geroztik, eskualde mailako ohiko joan-etorrietan
ordezko garraio gisa erabil dadin.
Gauzatzen ari diren jardueren artean
dago bizikleta bide berriak egitea,
guztira 355 km-ko sarea osatzea aurreikusita
dagoelarik. Gipuzkoa osoa hartzen
duten oinarrizko 6 ibilbidez osatutako
sare horren helburua da hiriko eta
hiri inguruetako txirrindulariari,
batik bat, zerbitzu ematea herri inguruetako
eremuetan. Bide luzeagoetan, bizikleta
aisiarako erabiltzen dutenen beharrei
erantzun nahi die eta, era berean,
errepide tarte arriskutsuetan kirol
txirrindularitzaren hautabide bihurtu
nahi du. Egiten dituzten joan-etorri
edo ibilbide moten arabera sei
txirrindulari kategoria bereiz
daitezke.
Eskualde edo udal mailako sareak ibilbide
orokor horiekin lotzen dira eta osatu
egiten dituzte, herrigune edo auzo
ezberdinetatik hirietarako sarbidea
ahalbidetuz.
Aurreikusitako sare horretatik, gaur
egun, 75 km prestatuta daude, hau
da, %22 gutxi gorabehera.
Jarduerak:
•
Gipuzkoako Bizikleta Bideen
Sareari buruzko Plana idaztea.
•
Gipuzkoako Bizikleta Bideen
Lurraldeko Alorreko Planaren
Aurrerapena idaztea.
•
Bizikleta bideen zatiak egitea.
•
Gipuzkoako Bizikleta Bideen
Foru Arau Proiektua bideratzea.
•
Bizikleta Bideak diseinatu eta
egiteko gomendioen gida argitaratzea.
•
Gipuzkoako Bizikleta Bideen
Sarearen Behatokia abian jartzea.
•
Gipuzkoako Bidegorriak ikurra
sortzea.
•
Mugikortasunari eta Garraio
Iraunkorrari buruzko unitate
didaktikoa argitaratzea. |
|
|
