Zuzen gidatzea

• Zoruan lerro zuzen bat egonez gero, errazagoa izango da oreka mantentzea.
• Lerroaren bidea jarraitzea baliagarria izan daiteke beste gidari batzuentzat, haurraren mugimenduak errazago aurreikusi ahal izango baitira.

Mugimenduez ohartarazten ikastea

• Irakats iezaiezu zuzen mantentzen pedalei eragitean, eta oreka mantentzen mugimendu zakarrik egin gabe, atzera begiratzen dutenean.
• Haurrek gauza izan behar dute beren aurretik eta atzetik zer trafiko dagoen egiaztatzeko, era horretan ohartarazi ahal izango baitute egin behar duten maniobraz.
• Erakuts iezaiezu nola adierazi behar duten ezkerreranzko eta eskuineranzko desbideratzea eta noiz gelditu behar duten.

Ingurune ezagun eta seguruetan ibiltzea

• Zirkulatu haurrarekin leku ezagun eta seguruetan; azal iezaiozu zer arrisku egon daitezkeen eta azter itzazu arriskuok. Era horretan, haurra, pixkanaka, arrisku horiez jakitun izango da.
• Utzi haurrari aurretik joaten. Autoek hobeto ikusiko dute pertsona heldu bat haur bat baino. Helduak aurretik joanez gero, aldiz, segurtasun handiagoa izango dugu bidegurutze eta elkarguneetan. Hautatu egokiena, bidearen arabera.
• Prestatu elkarrekin ibilbidea, partaide sentituko da.

Ibilbide-aukerak

• Bizikletak ibilgailuak dira eta, beraz, pentsa ezazu egiten duzuna entrenatzea dela geroago gidari izango diren haurrek ikas dezaten.
• Haurrak 10 urte inguru dituela ibilbide luzeagoak egin ditzake. Bakarrik joanez gero, egiazta ezazu erabaki egokiak hartzen dituela.
• Bizikletaz mendian edo basoan paseatzera joanez gero, erne egon pistan garapen laburrak erabiltzeko. Ez egin haurrentzat luzeegiak izan daitezkeen ibilbideak.