Haurrak eramaten hasteko, zer adin izan behar dute?

• Zutik mantentzeko gai direnean, prest daude zurekin bizikletan joateko.
• Hala ere, kontuan izan neurri egokia izan behar dutela kaskoa jarri ahal izateko.
• Pediatrarengana eraman, haurra osasuntsu dagoela, eta zurekin bidaiatzeko arazorik izango ez duela egiaztatzeko.
• Haurrek bost urte bete arte, gutxi gorabehera, aulkitxo batean edo, hobeto, bizikletak eramaten duen atoi batean joan beharko lukete.

Kaskoa

• Kaskoa derrigorrez eraman behar da. Hainbat enpresak fabrikatzen dituzte haurrentzako kaskoak (CE, Snell, ANSI), baina denak ez daude homologatuta. Egiaztatu ezazu datu hori zure ohizko dendan, edo denda espezializatu batean.
• Zerbaitek jo edo zerbaiten kontra talka eginez gero, edo eroriz gero, alda ezazu kaskoa, eraginkortasuna galdu ohi dutelako.
• Utz iezaiozu haurrari kaskoa aukeratzen, horrela ez du hainbeste trabarik jarriko ipintzeko orduan. Kolore deigarriak errazen ikusten direnak dira. Lagungarria da, halaber, zeuk ere kaskoa eramatea. Haurrak ikusten duena eta zuk erakusten diozuna egingo baitu.
• Kaskoaren neurriak haurraren neurriekin bat egin behar du; uhalak ondo lotuta jarri behar dira, haurraren kokotsaren azpitik.

Aulki akoplatuak edo atoiak

• Bizikletaren gaineko aulki akoplatuak ez dira atoiak bezain egonkorrak eta haurra jartzeko bi pertsona behar dira: bata haurra esertzeko eta bestea bizikletari eusteko.
• Kontuan izan aulkitxo batean eramaten den haurraren pisuak balaztatzea eta oreka aldatzen dituela.
• Haurrak oinekin gurpilik ez ukitzea zaindu behar duzu eta, era berean, segurtasun-uhalak eta kaskoa jarrita dauzkala.
• Atoia egonkorrago egiten dute oreka-puntuek, iraultzetik babesteko sistemekin eta segurtasun-uhalekin batera.
• Behin haurra hazi denean, atoia edo erdiatoia objektuak, erosketak, fardelak, txakurrak eta abar eramateko erabil daiteke.


BESTE OSAGARRI BATZUK, IBILGAILUEN ARAUDI OROKORRAREN ARABERA

• Txirrinak bai, klaxonik ez.
• Aurreko eta atzeko argiak. Islagailu gorriak, homologatuak, pedaletan, jarlekuetan eta koadroan, atzetik ikusi ahal izateko.
• Balazta-sistema aurreko eta atzeko gurpiletan.