Komenigarria izaten da erantzukizun zibileko aseguru bat kontratatzea, hirugarrenak estaltzen dituena eta, horrez gain, defentsa juridikoa eskaintzen duena. Edozein aseguru-konpainiak eskain ditzake aseguru mota hori eta era horretan, zalantzarik gabe, seguruago ibiliko zarete. KALAPIE Hiriko Ziklisten elkarteak erantzukizun zibileko aseguru kolektibo bat eskaini nahi du aurki.

Aseguru horren bidez, bizikletaz ibiltzean soilik hirugarrenen aurrean izan ditzakegun erantzukizunak estaliko ditu. Ez du estaliko geure buruari egiten dioguna. Ezbehar bakoitzeko 60.000 euro arte estal dezake, eta urtean, gehienez, 15.000 euro, ezbehar bakoitzeko 150 euroko frankizia izanda.

Azkenik, etxebizitzaren arrisku anitzeko aseguru bat edo beste aseguru mota bat dutenek egiaztatu beharko dute beren aseguru horren bidez erantzukizun zibila estalita daukaten.