|
3. ESKUINEKO BIRA EMATEAN, SEMAFOROA DAGOELA.
Semaforoa gorriz dagoela, ziklista
bat, eskuin-eskuinean, eta automobil
bat daude geldirik paraleloan. Semaforoa
berde jartzen denean, ziklista eta
automobila abiatzen dira, ziklista
aurrerantz jarraitzeko eta autoa eskuinerantz
bira emateko. Elkarren kontra jo dute.
Ikus azalpena flash animazioan (8 KB.)
Zer egin...
Bizikleta:
Ez gelditu inoiz automobilaren
ikusangelu hilean, atzerago
baizik, edo eskuinean baina
zertxobait atzerago. Era horretan
ez zara angelu hilean egongo,
eta gidaria abiatzen denean,
duen bira-erradioagatik, ez
zaitu harrapatuko. Nahitaezkoa
bada ere, gidariek ez dute beti
adierazten bira eman behar dutela.
Kotxea:
Bira eman behar duzunean, arau
honi jarraitu: begiratu, ohartarazi
eta, egokia bada, egin maniobra.
Kontuan har ezazu bizikletak
eta ziklomotorrak zure eskuinean
geldirik egon daitezkeela eta
bira ematean jo ditzakezula. |
4. AURRERATZEA ETA ESKUINERANTZ BIRATZEA.
Automobil batek bere eskuinetik
doan ziklista bat aurreratu du. Ondoren,
ziklistaren aurretik bira eman du
eta biek elkarren kontra jo dute,
gidariak gaizki kalkulatu duelako
ziklistaren abiadura.
Ikus azalpena flash animazioan (8 KB.)
Zer egin...
Bizikleta:
Talka hori saihestea guztiz
zaila da, ziklistak azken unera
arte ez baitu ikusten ibilgailuak
bira emateko asmoa duela, eta
ez du balaztatzeko edo saihesteko
astirik. Aholku bakarra da atzerako
ispilutik maiz begiratu behar
dela, edo burua biratu, bidegurutze
batera iritsi baino lehen atzealdean
zer gertatzen den ikusteko.
Kotxea:
Saia zaitez ziklistaren benetako
abiadura kontuan hartzen –kontuz!
batzuetan oso zaila izaten baita
ibilgailu horien abiadura ondo
kalkulatzea–, eta ohartarazi
beti zure maniobrez. Gogora
ezazu beste ibilgailu baten
aurretik bira ematen duzunean,
ez diozula bidea oztopatu behar.
|
|
